Tadhana

 Misteryoso ang buhay/ para sa mga tao

Isang kinabukasang/ hindi mo sigurado

Ito ay ang tadhanang/ hindi mo mababago

Gaya ng isang batas/ na inukit sa bato.

Para sa mga bayan,/ lungsod o kaharian

Noong mga panahong/ uso pa ang hulaan

Propeta't manghuhula'y/ pinaniniwalaan

Upang pangalagaan/ ang pag-unlad ng bayan.

Sa lumang Pilipinas/ tao'y naniniwala

Sa bilin ng babaylan/ at d'yos na si Bathala

Upang di pagkaitan/ ni Bathalang dakila

Sa kanilang paglisan,/ sila'y maging payapa.

Pagdating sa proteksyon/ ng kanilang barangay

Sila ay dumudulog/ sa hula ng babaylan

Sila ay umaasa/ na 'wag sanang maganap

Trahedyang magdudulot/ ng kanilang pagbagsak.

'Di lang sa Pilipinas/ maging sa ibang bansa

Malalaking nasyon man/ o maliit na pulo

Malaki ang tiwala/ sa kanilang tadhana

na siyang naging daan/ sa kanilang paglago.

Mga makasariling/ kung tawagin ay Intsik

Kanilang dinastiya'y/ may batas na mahigpit

Kung mandato ng langit/ sa hari'y mawaglit

May nakatadhana nang/ sa p'westo niya'y pumalit.

Bukod dito sa Asya/ alam din sa Europa

Ang paniniwala at/ pag-ayon sa tadhana

Naniniwala silang/ talagang itinakda

Ang kanilang tadhana/ na manakop ng bansa.

'Di sa lahat ng oras/ tadhana ay tagumpay.

Sa isang mapayapa't/ malaking kaharian

Ng palasyo ng Troy/ na minsang pinasukan,

Sinunog at winasak/ ng lahi ng Spartan.

Ang tadhana ay parang/ 'sang larong kumplikado

Nasa iyong sarili/ kung ika'y mananalo.

'Wag isisi sa iba/ ang iyong pagkatalo,

Dahil 'kaw ang gagawa/ nang iyong pagkatao.

'Di masamang alamin/ ang ganitong kaisipan

Basta huwag abusuhin/ at palaging asahan

Ang mga pag-iisip/ sa iyong hinaharap,

Dahil mas masarap/ ang tagumpay ng naghirap.