Percy Jackson and the Olympians: The Lightning Thief

                                                                                 
Tauhan: Percy Jackson, Annabeth, Grover, Sally, Chiron/Mr. Brunner, Luke, Zeus, Poseidon, Hades at mga Diyos sa Griyego
Pinangyarihan: Hollywood, Underworld, Empire State Building, Yancy Academy, Lotus Casino, Parthenon Museum at Mt. Olympus
Buod:
Matapos ang mahabang panahong hindi pagkikita ng magkapatid na Zeus at Poseidon na mga diyos ng mga Griyego, sila ay nagkita sa tuktok ng Empire State Building. Itinanong ni Zeus kay Poseidon kung ano daw ang nakikita nito sa kalangitan. Sinagot siya ni Poseidon na mga ulap ang kanyang nakikita. Sumagot si Zeus na tama, mga ulap ngunit walang kidlat. Ninakaw daw ang Lightning Bolt niya na itinuturing na pinakamakapangyarihang sandata na nilikha. Matagal nang magkakaribal ang magkakapatid sa pamumuno. Ngunit sinabi ni Poseidon na sumumpa  sila na titigil na sa pagnanakaw ng kapangyarihan ng bawat isa. Sinabi ni Zeus na sila nga ay sumumpa ngunit hindi ang kanilang mga anak. Si Zeus at Poseidon lamang ang may anak kaya napagbintangan niya si Poseidon. Kailangan daw maibalik kay Zeus ang lightning bolt niya sa loob ng labing-apat na araw, o kung ay magkakaroon ng isang digmaan.

Sa kabilang dako, isang estudyante sa Yancy Academy ang pinagbibintangang nagnakaw ng lightning bolt na si Percy Jackson. Kaya nitong tumagal sa ilalim ng tubig na may pitong minuto, kaya hindi maipagkakaila na siya ay anak ni Poseidon. Wala siyang kamuwang-muwang tungkol sa mga bagay na ito, dahil kahit minsan ay hindi niya nakilala ang sariling ama. Lagi niyang kasama sa eskwela si Grover na isang pilay. Sa kanilang klase sa English tinanong siya ng kanyang guro kung ano sa palagay niya ang ibig sabihin ni Shakespeare sa isang parte ng kanyang tula. May mga namuong salita sa kanyang isip, ngunit sinabi niya na hindi niya alam ang sagot.

Kakaiba ang pangyayaring iyon sa kanya dahil isang beses pa lang nangyari iyon sa kanya. Mayroon siyang tumatayong ama ngunit napakalasenggero at mukha pang mananakit kapag hindi nasunod ang gusto. Kung hindi lang sana sila nakikitira rito ay hindi siya magdadalawang isip na patulan ito.

May klase sila kay Mr. Brunner tungkol sa Greek Mythology. Isang pilay si Mr. Brunner na naka-wheelchair. Sinabi nito kung paano kinilala sina Zeus, Poseidon at Hades bilang mga diyos. Tinanong niya si Percy kung makapagbibigay ito ng isang demigod o anak ng diyos at isang tao at may pagkakatulad daw sila. Biglang may mga namuong salita na naman sa kanyang isip at naisagot niya ay Perseus. Sinabi ni Mr. Brunner na tama iyon at habang nagpapatuloy sila sa klase ay tinawag si Percy ng kanyang English teacher. Sumunod siya rito at nagulat siya nang magbago ito ng anyo at naging isang fury. Hinahanap nito kay Percy ang lightning bolt ngunit hindi niya alam kung ano ang bagay na ito. Buti na lang at dumating si Mr. Brunner at pinigilan ang fury.Sinabi niya kay Grover na kailangan nang mailayo rito si Percy at ang ina nitong si Sally.

Pumunta nga sina Percy sa kanila at isinama si Sally. Alam na ng kanyang ina kung saan sila pupunta habang si Percy ay litung-lito pa rin. Habang pupunta sila sa isang lihim na lugar ay biglang may naghagis ng baka,. Kaya lumabas sila sa kotse at nalaman ni Percy na si Grover ay isang Halfgoat. Ligtas na sana sila nang makapasok sila camp Halfblood, ngunit hindi natiis ni Percy ang kanyang ina na nakuha ng isang minotaur. Tinapos niya ang buhay ng minotaur ngunit hindi niya nabawi ang kanyang ina at siya'y nawalan ng malay.

Ilang araw ding nakatulog si Percy. Samantala, inilibot siya ni Grover sa kampo. Napag-alaman niya na si Chiron si Mr. Brunner kapag nasa anyong centaur ito. At dito niya rin nakilala si Annabeth na anak ni Athena na kanyang natalo sa isang laban. Sinabi ni Chiron kung bakit nangyayari ang lahat ng ito. Nagpakita si hades sa kampo at sinabi kay Percy na ibabalik nito ang kanyang ina kung ibibigay sa kanya ang lightning bolt.

Palihim na naglakbay sina Percy, Grover at Annabeth, upang makuha ang mga perlas ni Persephone na magagamit nila sa paglabas sa underworld. Binigyan ni Luke, anak ni Hermis, si Percy ng mga kagamitan na makatutulong sa kanya.

Una nilang nakita ang asul na perlas kay Medusa. Pinatay ni Percy si Medusa at kinuha ang ulo nito. Pangalawa  ay sa Parthenon Museum. Madali lang ang pagkuha ng perlas sa korona ng estatwa ni Athena, ngunit naging mahirap ang pakikipaglaban sa hydra. Dahil sa bawat ulong naputol ay may dalawang tutubo. Buti na lang at dala pa ni Grover ang ulo ni Medusa at ginawang bato ang hydra. Ang pangatlo ay sa Lotus Casino sa Las Vegas. May mga pumigil sa kanila sa pag-alis kaya dito sila nagtagal. Buti na lang at natauhan si Percy at sila ay nakaalis doon.

Sa Hollywood sila nagtungo, dahil naroon ang daan patungo sa Underworld.
Madali lang ang pagpasok doon, ang mahirap ay ang makalabas dahil kay Hades. Nakita ni Hades ang lightninng bolt sa kalasag ni Percy na sinadya pala ni Luke. Akala nila ay katapusan na nila, ngunit nakaligtas sila sa pamamagitan ni Persephone. Kinuha niya nag lightning bolt kay Hades na animo'y namamangha sa ganda nito at biglang tinira si Hades. Dahil sa tatlo lang ang perlas na magagamit ay nagpaiwan si Grover pansamantala sa Underworld.

Akala nila ay tapos na ang problema at pumunta na sila sa Empire State Building. Naroon pala si Luke at sila ay pinigilan. Galit si Luke sa lahat ng diyos pati na sa ama niya na si Hermis. Isa pa ay matagal na ang naging pamumuno nila kaya gusto niya na maiba naman ang mamumuno. Nilabanan ni Percy si Luke, ngunit malapit na ang itinakdang oras ni Zeus. Ilang saglit pa ay natalo niya si Luke at nabawi ang lightning bolt.

Isinauli na niya ito kay Zeus. Tama daw ang naging desisyon niya na isauli ito. Sinabi ni Percy ang lahat. Humingi ng kapatawaran si Poseidon sa kanya. Simula noon ay sa kampo na siya namuhay bilang isang demigod.